නමුත් තවමත් ඒ ගැන අදහසක් නෑ. තව වසර කිහිපයක් ගත වන තුරුත්, නව කතාවක් මගෙ අතින් නොලිවෙන්න පුළුවන්. ආධුනිකයෙක් හැටියට නවකතාවක් ලිවීමට තිබුණ ආශාවෙ ප්‍රතිඵලයක් " රාවණා අඩවිය " ලියවෙන්නෙ. ඒක ලියද්දි නව කතා ශෛලිය ගැන අධ්‍යනයක් කලේ නැහැ.
දැන් තරමක අවබෝධයක් ඇති නිසා, මගේ පළමු කෘතියෙ වැරදි මට පෙනෙන්නට පටන් ගෙන තියෙනවා. ඒත් නව කතාව පිළිබඳ තවත් බොහො දේ හදාරන්නට අධ්‍යනය කරන්නට තියෙනවා. පාඨකයාට වගේම මටත් සාධාරණය ඉටු වන කෘතියක් රචනා කරන්නට යොමු වෙන්නෙ ඊට පසුව.
එතකොට ඓරාවණ කියන්නෙ ? ඓරාවණ නවකතාවක් නම් නෙවෙයි. කාලයක් තිස්සේ අපේ ඉතිහාසගත තොරතුරු සොයාගෙන ඇවිදගෙන යද්දි, එක්කාසු කරපු කරුණු ගොණුවක්. මගෙ පොත් රාක්කෙ කෙලවරක, ෆයිල් එකක් ඇතුලෙ තිබුණ.
මුලදි හිතාගෙන හිටියෙ, ඒවා ඇසුරු කරගෙන නව කතා කිහිපයක් ලියන්න. නමුත් ලද විවේකය එක්ක, මේවායෙන් ලිපි එකතුවක් ඉදිරිපත් කරන්න හිතුණා.
තෝරගත් මාතෘකා ආකර්ෂණීය යැයි හිතෙන ඒවා.
ලංකා ඉතිහාසයේ සාමාන්‍යයෙන් අපි නොකියවන නමුත් රසවත් ඓතිහාසික තොරතුරු එකතුවකින් තමයි ඓරාවණ සමන්විත වෙන්නෙ, ඓරාවණ ලියැවුනේ සාමාන්‍ය කතා කරන භාෂාවෙන්. ඉතිහාසය විෂයෙ කෘතියක් අධ්‍යනය කරනවට වඩා ලෙංගතුකමකින් මෙය රස විදින්නට ඔබට හැකි වේ යයි සිතනවා.
නිදහස හා ස්වාධීනත්වය ගරු කරන නිසා මෙය අපේම නැණසර ප්‍රකාශනයක් විදිහට එළිදකින්නෙ. සැප්තැම්බර් 17 වෙනිදා උදේවරුවේ, BMICH අසල ධර්ම විජය ශ්‍රවණාගාරයට ඔව ආවොත් තවත් බොහෝ දේ දැනගන්න පුළුවන් වේවි. ඒ වගේම සාම්ප්‍රදායික පොත් එළිදැක්මකින් එපිටට ගිහින් ඔබට නවමු අත්දැකීමක් ලබා දෙන්න මේ වන විටත් සැලසුම් සකස් කරමින් ඉන්නෙ.
No comments:
Post a Comment