රජ_පවුලේ_සැත්කම්_ඉතිහාසය

       " ඔයාට ඔපරේෂන් එකක් කරන්න වෙනවා " වෛද්‍යවරයෙක් මෙහෙම කිව්වොත් අදටත් අපි යම් තරමක් හෝ සලිත වෙනවා. නමුත්  ඔබේ වෛද්‍යවරයා නම් සලිත නොවේ වි.  බටහිර වෛද්‍ය විද්‍යාවේ මුල් යුගයෙදි, වෛද්‍යවරු පවා සැත්කමක් කරන්න දෙතුන් පාරකටත් වඩා හිතන්න ඇති,

       ඒ සැත්කමත්, ලොවෙන් අඩක් පමණ පාලනය කල බ්‍රිතාන්‍ය රජ පවුලෙ කෙනෙක්ට නම් ? වෛද්‍යවරයා පත්වන අසීරුතාව ඔබට සිතාගත හැකි ද, නමුත් එකලත් රජ පවුලේ ඥාතීන්ගේ විවිධ රෝගාබාධ වෙනුවෙන් සැත්කම් කරන්නට වෛද්‍යවරු කටයුතු කරල තියෙනව.

      වික්ටෝරියා මහ රැජිනගෙ මාමණ්ඩිය වූ පළවෙනි ලියෝපෝල්ඩ් රජතුමා මුත්‍රා ගල් සෑදීම නිසා පීඩා විදි අයෙක්. කොතෙකුත් ප්‍රතිකාර කලත් සුවයක් නැති තැන හෙන්රි තොම්ප්සන් කියන වෛද්‍යවරයා ඉදිරිපත් වෙනව සැත්කමක් කරන්න, සැත්කම සාර්ථක වුණ නිසා නයිට් පදවියක් ලබපු වෛද්‍යවරයා ජාත්‍යන්‍තරයේ කීර්තිය ලබනවා.

      ඒ විතරක් නෙවෙයි සැත්කමක් නිසා රාජාභිෂේකයක් කල් දැමූ අවස්ථාවකුත් බ්‍රිතාන්‍යය ඉතිහාසයේ තියෙනවා. වික්ටෝරියා මහ රැජිනගෙ අභාවයෙන් පස්සෙ සිහසුනට පත්වෙන්නෙ වේල්ස් කුමාරයා, ඔහු අභිශේක ගන්වන්න නියමිත වෙලා තිබුණේ 1920 ජුනි 26. හරියටම ඊට දින 12 කට කලින් කුමාරයට අනුබද්ධදාහයෙ ( ඒ කිව්වේ appendicitis ) ලක්ෂණ ඇති වෙනවා.

      ජුනි 24 වෙනිදා රාජාභිෂේකය වෙනුවෙන් බකිංහැම් මන්දිරයෙ පැවැත්වෙන සාදයට ඔහු එක්වෙන්නෙ වෛද්‍ය උපදෙසුත් නොතකා. එහිදී හදිසියේ ම රෝගය උත්සන්න වෙනවා. වහාම සැත්කමක් සඳහා උපදෙස් ලැබෙනවා. රජතුමා ඒකට අකමැති වෙන්නෙ රාජාභිෂේකය හින්දා. ඒත් වෛද්‍යවරු  සැත්කම නොකලොත්‍ මෙලොව රජ කරන්නට නොවෙන බව පැහැදිලි කරනවා.

      මේ නිසා කඩිනම් ශල්‍යකර්මයක් ෆෙඩ්රික් හා ට්‍රිවිස් කියන වෛද්‍ය විශේෂඥයො සිදු කරනවා. රාජාභිෂේකය කල් දාල ඒ සඳහා පිළියෙළ කරපු කෑම බීම ලන්ඩනයේ දුප්පතුන්ට බෙදා දෙන්න නිලධාරින්ට සිද්ද වෙනවා. ප්‍රාථමික තාක්ෂණයක් එක්ක එදා ඒ කරපු සැත්කම් ඇත්තටම විස්මිත යි.

      දහනව වෙනි සියවසෙ අගභාගයේ ලංකාවෙ තත්වයත් ඔය වගේ. හැබැයි අද වෛද්‍ය විද්‍යාව එදාට වඩා බොහොම දියුණුයි හැම අංශයකින්ම.  මේ රට ඇතුලෙම කෑලි වෙන්වුණු ශරීරාංග එක් කරන්න පවා හැකියාවක් දැන් තියෙනව.